پاڪستاننڪور خبرون

نواز شريف جي جيل واپسي: جلوسن دوران ڪجهه به ٿيو ته ذميوار پنجاب حڪومت هوندي: مريم اورنگزيب

نواز شريف جي جيل واپسي: جلوسن دوران ڪجهه به ٿيو ته ذميوار پنجاب حڪومت هوندي: مريم اورنگزيب

لاهور: پاڪستان مسلم ليگ ن جي ترجمان مريم اورنگزيب جو چوڻ آهي ته نواز شريف کي جيل تائين الوداع چوڻ لاءِ ڪارڪن طئي ٿيل پروگرام موجب پهچندا جيڪڏهن جلوسن ۾ ڪجهه به ٿيو ته ان جي ذميوار پنجاب حڪومت هوندي. ن ليگ جي ترجمان مريم اورنگزيب چيو آهي ته نواز شريف کي جيل تائين الوداع چوڻ جي اڳواٽ طئي ٿيل پروگرام ۾ ڪا به تبديلي ناهي ڪئي وئي، پنهنجي قائد کي الوداع چوڻ لاءِ ڪارڪن طئي ٿيل پروگرام موجب پهچندا، جيڪڏهن پُرامن ڪارڪنن جي پنهنجي قائد سان محبت ۽ ساڻس ايڪي جي اظهار لاءِ جلوسن خلاف ڪجهه  به ٿيو ته ان جي ذميوار پنجاب حڪومت هوندي. مريم اورنگزيب چيو ته وفاقي ۽ پنجاب حڪومت عقل ۽ هوش کان ڪم وٺي ۽ بوکلائپ ۾ چريائي وارو رستو اختيار نه ڪري. ٻئي طرف انتظاميه ۽ ليگي قيادت ۾ اختلاف ٿي ويا آهن ليگي قيادت ريلي جي اجازت ڏيڻ کان انڪار ڪري ڇڏيو آهي. جيل ۽ ضلعي انتظاميه نوازشريف کي جيل قانون موجب شام جو 7 بجي کان پهريان جيل پهچڻ جي هدايت ڪئي آهي جڏهن ته ليگي اڳواڻن رات جو 12 بجي تائين نوازشريف کي جيل پهچائڻ جو اظهار ڪيو آهي. ليگي قيادت ساڍي 9 بجي نوازشريف کي ريلي جي صورت ۾ وٺي جاتي امرا کان رائيونڊ روانو ٿيندا.  ياد رهي ته مسلم ليگ(ن) جي اڳواڻ ميان نوازشريف کي طبي بنيادن تي مليل 6 هفتن جي ضمانت ۾ واڌ وارو ٽائيم اڄ ختم ٿي رهيو آهي. ان موقعي تي ليگي قيادت نوازشريف کي جاتي امرا کان ڪوٽ لکپت جيل موڪلڻ جي موقعي تي سياسي طاقت جو مظاهرو ڪندي.

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close